Bloggari ársins

Alveg að verða komið ár og ég ekki svo mikið sem leitt hugan að henni Gilitrutt. Reyni nú að bæta fyrir ósóman hjá mér.Gilitrutt er nefnilega vinkona mín frá því á unglingsárunum.Hugsar maður ekki alltaf til vina sina svona rétt fyrir jólin. Ég er líklega að detta í það farið því ver og miður.

Gleðileg Jól mín kæra vinkona Gilitrutt verð í sambandi við þig vonandi fljótt

Safnið í Selárdal

Í fréttablaðinu í gær var grein um viðgerðir á safni Samúels Jónssonar í Selárdal.Það er aðdáunarvert að þýskur myndhöggvari skuli koma hingað til lands með flokk af sjálfboðaliðum til að lagfæra þetta sérstaka safn.

Á ferðum mínum um vestfirði hef ég alltaf farið í  Selárdalinn til að skoða þetta einstaka safn, því einstakt er það og sérstök upplifun að skoða það.

Að skoða safnið kennir manni að allir geti látið drauma sína rætast,það hefur Samúel svo sannarlega gert.

 

Vil ég benda fólki á sem leggur leið sína í Selárdalinn til að skoða safnið að í kirkjunni er söfnunarbaukur. Endilega hafið þið einhvern pening með ykkur og setjið í hann svo hægt sé að halda áfram að halda safninu við. Því miður er enginn posi á staðnum þannig að ekki eru tekin kort.

Skoðið og njótið