Tjaldstæðið á Varmalandi

Ekki er nú hlaupið að því að ná sér í tjaldstæði ef maður leggur af stað um kvöldmataleytið á föstudegi.

Á föstudaginn var lagt af stað í útilegu og var ákvörðunarstaðurinn Þórisstaðarvatn og átti nú aðeins að bleyta færi í þessari útilegu. Allt fullt, jú við hefðum sjálfsagt getað komið vagninum fyrir með því að troða okkur inn á milli. En þar sem mér finnst nú ekkert gaman að troða mér upp á fólk sem ég ekki þekki var ákveðið að halda á næsta tjaldsvæði. Selskógur allt fullt. Var þá tekin stefnan á Varmaland, loksins loksins gátum við komið okkur fyrir alveg pláss fyrir þrjá vagna.

Tjaldstæðið á Varmalandi er alveg ágætt það mætti reyndar vera meiri gróður en mjög vel er passað upp á salernisaðstöðuna alltaf nægur pappír og þrifið reglulega og rusl fjarlægt. Ég get alveg mælt með þessu tjaldstæði.

Er ég orðin gömul og fordómafull?  Seinnipartinn á laugardag komu tveir bílar fullir af ungum mönnum og voru farþegarnir veifandi bjórflöskum. Nú er friðurinn búinn þessa helgi   En sóma piltar voru þetta  Ekki heyrðist í þeim og þeir fengu að vera í friði fyrir tjaldverðinum þó svo að þeir væru undir 28 ára aldri og ekki með börn með sér eða kærustur til að búa til börn!

Úr einu í annað  María mín kemur heim í kvöld eftir vel heppnaða Hróarskelduhátíð, eftir því sem hún hefur sagt mér. Sólbrennd og með blöðrur á fótum. Annað en í  fyrra þá var hún bæði blaut að utan og innan.

Athugasemdir

[Guðrún Sæmundsdóttir, 8.7.2008 kl. 14:42]

Þið eruð sannkallaðir útilegumenn Ég sé það að ég verð að fara að græja mig upp svo ég geti fallið í kramið á tjaldstæðum Íslands. ætli bankinn sé tilbúinn að lána mér nokkrar millur fyrir skuldahala??

En ég mæli með því að þú skoðir þessa síðu  http://lotta.blog.is/blog/lotta/

[Kristín Guðrún Ólafsdóttir, 8.7.2008 kl. 21:24]

Ætli þú þurfir nokkuð að tala við bankann þú notar bara klinkið til að kaupa þér búnað ha ha ha . Ertu ekki að bera út blöð á morgnana það er nú svo vel borgað. Búin að lesa lottu, flott hjá henni akkúrat eins og við hugsum.